¹ A haShem apparteni a terra e tuttu chiddu ca ci sta dintra, li terri abitati e chiddi ca ci stanu, ² vistu ca Iddu l'ha fattu nasciri supra li oceani e l'havi stabilita supra a li ciumi. ³ Cu mai putrà acchianari supra a lu munti di haShem e cu putrà ristari 'nta lu locu a Iddu cunsacratu? ⁴ L'omu cu li mani puliti e cu lu corpu puru, ca nun ha giuratu ammatula supra l'anima mia né mai fu fausu nô giurari, ⁵ chistu avrà la binidizzioni di haShem e ggiustizzia da lu D-u di la so' sarvizza. ⁶ Chista è la generazioni di chiddi ca lu cercunu, di chiddi ca invocanu la to' prisenza, o populu di Giacobbe. ⁷O canceddi, cu li vostri battenti isati, spalancativi, o porte eterne, pi fari trasiri lu re di la gloria. ⁸ Cui iè stu re gluriusu? È haShem putenti e forti, haShem forti nâ battagghia. ⁹ Isati, porte, li vostri fruntali, susitivi porte antiche, e accussì trasi lu re di la gloria. 10 Cui iè stu re gluriusu? È haShem u signuri di li moltitudini, Iddu è lu re di la gloria!
Traduzione di Khaim Jehuda - Giovanni Ferdinando Giudice (di proprietà dell'autore)
Nessun commento:
Posta un commento