SALMU 80

 

 

¹ A lu maistru di lu coru, supra a «Shoshanim ʽeduth», di Asaf, salmu. ² Tu, pasturi d'Israeli, ascuta; Tu ca cunnuci Giuseppi comu a na mannira di pecuri, ³ assittatu supra cherubini brilli. Davanti a Efraim, Beniaminu e Manasse arruspigghia la to' putenza e veni a darini aiutu. ⁴ Fanni susiri, Signuri, nostru D-u, fa splendiri a to facci e nuiautri saremu sarvati. ⁵ Signuri, D-u di li eserciti, finu a quannu fremerai di sdignu cuntra li prieri di la to' genti? ⁶ Tu ci civi cu pani lagrimusi, ni fai biviri lagrimi in abbunnanza. ⁷ N'ha fattu mutivu di sdignu pi li vicini, e li nostri nimici arrirunu di nuiautri. ⁸ Fanni susiri, D-u di li eserciti, fa bbrillari la to' facci e nuiautri saremu sarvati. ⁹ Hai sdirradicatu na preula di racina dall'Egittu, pi trapiantarla hai mannatu a genti, ¹⁰ ci hai priparatu lu tirrinu, hai affunnatu li soi rrarichi, hai inchiutu a terra. ¹¹ La so' ummra cummigghiava li muntagni e i soi rami li chiù iauti citri. ¹² Hai stinnutu li soi sarmenti finu a lu mari e agghicavunu 'nta lu ciumi li soi ggermogghi. ¹³ Pirchì hai abbattutu li soi mura a giru e ogni viandanti po' vinnignari? ¹⁴ La po' distruiri lu cinghiali di lu voscu e si ni pasci l'animali sarvaggiu. ¹⁵ D-u di li eserciti, votiti, talia di lu celu e viri e visita sta vigna, ¹⁶ pruteggi lu cippu ca la to' manu ritta ha chiantatu, lu gigghiu ca t'hai cultivatu, ¹⁷ chiddi ca la abbracciarunu cû focu e la tagghiarunu murirannu a li minacci di lu to' visu. ¹⁸ Sia la to' manu supra l'omu di la to' destra, supra a lu figghiu di l'omu ca pi tia l'hai fattu addivintari forti. ¹⁹  Di tia chiù nun ci alluntaneremu, ci farai viviri e invocheremu lu to' nomi. ²⁰ Fanni susiri, Signuri, D-u di li eserciti, fa splendiri a to' facci e nuiautri saremu sarvati.

Traduzione di Khaim Jehudà - Giovanni Ferdinando Giudice (di proprietà dell’autore)