SALMU 29: INNU A LU SIGNURI DI LA TIMPESTA

¹ Salmu di David. Dati a lu Signuri, dati a lu Signuri la gloria e lu putiri. ² Dati a lu Signuri la gloria di lu so’ nomi, inginucchiativi a lu Signuri cu’ li paramenti sacri. ³ U Signuri trona supra l’acqui; u D-u di la gloria scatina u tronu. U Signuri, supra l’acqui immensi. ⁴ U Signuri trona cu la forza, trona u Signuri cu putenza. ⁵ U tronu dô Signuri scutula i cedri di lu Libanu. ⁶ Fa arrisatari comu a nu iencu lu Libanu e lu Sirion comu a nu giuvini viteddu. ⁷ U tronu saitta lingui di focu. ⁸ U tronu fa scotiri la terra, u Signuri fa scrusciri lu disertu di Kadesh. ⁹ U tronu fa sgravari li fimmini di lu cervu e spogghia li fureste, ‘nta lu so’ tempiu tutti dicunu: Gloria! ¹⁰ U Signuri è assittato supra a la timpesta, u Signuri s’assetta Re pi sempri. ¹¹ U Signuri darà la forza a lu so’ populu e a idda darà la bbinidizzioni cu la paci.

Traduzione di Khaim Jehudà - Giovanni Ferdinando Giudice (di proprietà dell’autore)