SALMU 30: RINGRAZIAMENTU DOPPU NU PIRICULU DI MORTI

¹ Salmu, cantu pi la festa didicata a lu tempiu. Di David. ²  Ti rrennu grazzie, Signuri, pirchì m’hai liberatu e supra i mia nun hai datu sazziu a i me’ nimici. ³ Signuri, D-u miu, a tia haiu gridatu e tu m’hai guarutu, ⁴ Signuri m’hai fattu acchianari da lu infernu, m’hai fattu arrisuscitari pirchì iù nun scinnissi dintra la cascia di mortu vurrucatu. ⁵ Cantati inni a lu Signuri, o soi fideli, renniti grazzie a lu so’santu nomi, ⁶ pirchì la so’ collira dura nu istanti, lu so’ bboncori pi tutta la vita, cu lu scuru s’apprisenta lu chiantu e a la matina eccu l’alligrizza ‘nta lu cori. ⁷ ‘Nta la abbunnanza haiu dittu: “Nenti mi farà annaculiari!”. ⁸ ‘Nta la to’ buntà, o Signuri, m’hai misu supra a nu munti sicuru, ma quannu hai ammucciatu la to’ facci, m’ha scunchiutu u cori. ⁹ A tia gridu, Signuri, e addumannu aiutu a lu me’ D-u. ¹⁰ Quali vantaggiu cu la me’ morti, da la me’ scinnuta ‘nta la fossa? Nenti nenti ti potrà lodari lu pruvulazzu e vanniari la to’ fidiltà? ¹¹ Ascuta, Signuri, abbi misiricordia, Signuri, veni a darimi aiutu. ¹² Hai canciatu lu me’ lamentu in danza, la me’ vesti di saccu ‘nta nu abbitu di cuntintizza, ¹³ accussì iù pozzu cantari senza posa Signuri, miu D-u, a tia la me’ lodi pi sempri.

Traduzione di Khaim Jehudà - Giovanni Ferdinando Giudice (di proprietà dell’autore)