1Biatu l'omu a cui è stata rimessa la curpa e pirdunatu lu piccatu.
2
Biatu l'omu ca sa' mantinutu sanu 'nta la grazia di D-u e nô so' spiritu nun
c'è ingannu.
3 Stavu mutu e si cunsumavunu li mei ossa mentri cu lu
gemitu stavu tuttu lu iornu.
4 Iornu e notti pisava supra di mia la
to' manu comu pi l'arsura 'nta la stati siccava lu miu viguri.
5
T'haiu ammustratu lu me' piccatu nunn'haiu ammucciatu lu miu erruri. Haiu
dittu: A Tia, Signuri, cunfessu li mei curpi. E Tu hai rimessu la malizia di lu
me' piccatu.
6 Pi chistu ti preia ogni fidili quannu è angustiatu.
Quandu irromperannu grandi acque nun lu putrannu raggiungiri.
7 Tu
si u me' rifuggiu, mi sarvi e mi circundi di esultanza pi la sarvizza.
8
Ti farò saggiu, t'indicherò la via da seguire, cu li occhi supra i tia ti darò
cunsigghiu.
9 Nun siate comu lu cavaddu o cumu ô mulu senza
ggiurizziu, si piega la loru fierizza cu lu morsu e cu li brigghi, si no a tia
nun si avvicinunu.
10 Sarannu assai i dulura di lu empiu, ma la
grazia circonda cu confida nô Signuri.
11 Giuiti nô Signuri ed
esultati giusti, giubilate voi tutti, netti di cori.
Traduzione di Khaim Jehuda - Giovanni Ferdinando Giudice (di proprietà
dell’autore)
Nessun commento:
Posta un commento